ߡߊߡߊ߬ ߖߓߊ߬ߕߍ߫ ߣߌ߲߬ ߛߐ߬ߘߐ߲߬ ߘߊ߫ ߁߉߅߉ ߟߋ߬ ߟߊ߫ ߓߊ߰ߢߊ߬ ߛߏ ߞߣߐ߫߸ ߝߙߊߣߊ߫ ߕߌ߲߬ߞߎߘߎ߲ ߘߐ߫، ߊ߬ ߝߊߕߏ߫ ߘߊ߫ ߂߀߂߃ ߞߏߟߌ߲ߞߏߟߌ߲ ߕߟߋ߬ ߀߅ ߟߋ߬ ߟߊ߫ ߘߊ߲ߘߊߛߏ߫ ߛߌߣߏ߫ ߖߌߣߋߦߍ߲ ߠߊ߫، ߊ߬ ߕߘߍ߬ ߝߐߟߌߟߊ ߣߌ߫ ߢߊ߬ߙߊ ߟߋ߬ ߘߌ߫، ߓߟߊߝߐߟߊ߫ ߟߊ߱ߖߌ߬ ߖߋ߬ߟߌ߬ ߝߏߘߋ߫ ߖߓߊ߬ߕߍ߫ ߓߋ߲ߡߛߏ߫ ߟߋ߬ ߦߴߊ߬ ߘߌ߫߸ ߛߋߞߎ߬ ߓߋ߲ߓߋߦߊ߫ ߖߓߊ߬ߕߍ߬ ߝߣߊ߫ ߓߊߙߌ߲ߣߍ߲ ߠߋ߬.
ߊ߬ ߞߊ߬ ߘߐ߲߬ߞߟߌ߬ߟߊ ߘߊߡߌ߬ߣߊ߬ ߁߉߇߀ ߟߋ߬ ߟߊ߫߸ ߡߏ߬ߛߏ߫ ߢߐ߲߰ߦߋ߬ߓߊߟߌ ߟߋ߬ ߦߴߊ߬ ߘߌ߫ ߢߙߊ߬ߦߊ ߘߐ߫߸ ߡߍ߲ ߕߘߍ߬ ߛߋ߫ ߟߊ߫ ߝߐߟߌߝߋ߲߫ ߇ ߝߐ߫ ߟߊ߫߸ ߒ߬ ߠߊ߫ ߦߋߢߐ߲߯ߠߊ ߝߐߟߌߝߋ߲߫ ߆ ߦߴߏ߬ ߘߐ߫: ߓߐ߬ߟߐ߲ ߣߌ߫ ߞߏߙߊ ߣߌ߫ ߘߎ߬ߣߎ߲ ߣߌ߫ ߘߊ߲߭ ߣߌ߫ ߓߟߊ ߣߌ߫ ߖߋ߲߬ߓߋ߸ ߊ߬ ߣߌ߫ ߞߏ߬ߣߌ߲ (ߖߌߕߊߙ).
ߊ߬ ߞߊ߬ ߝߐߟߌߜߙߊ ߞߍ߫ ߝߘߊ߬ߝߌ߲߬ߠߊ߫ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߘߐ߫߸ ߊ߬ ߣߌ߫ ߋߙߐߔߎ߬ ߣߌ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߠߎ߬ ߞߣߐ߫، ߊ߬ ߞߊ߬ ߝߜߍ߬ߟߋ߲߬ ߛߌߦߊߡߊ߲ ߠߋ߬ ߟߊߓߐ߫ ߊ߬ ߟߊ߫ ߘߐ߲߬ߞߟߌ߬ߟߊ ߞߎ߲߬ߕߊ߮ ߞߘߐ߫، ߏ߬ ߡߍ߲ ߘߏ߫ ߟߎ߫ ߞߎ߲߬ߕߐ߮ ߦߋ߫ ߞߏ߫ <<ߘߊߓߊ߲ߞߏ߫>> ߣߌ߫ <<ߞߏ߬ߝߌ߫ ߞߏ߬ߟߊ>> ߣߌ߫ <<ߟߊ߬ ߓߌߛ߭ ߡߊ߲ߘߍ߲ߜ߭>>߸ ߏ߬ ߡߍ߲ ߠߊߓߐ߫ ߘߊ߫ ߁߉߉߃ ߟߊ߫، <<ߣߊ߲ߓߌߦߏ߫>> ߦߋ߫ ߘߏ߫ ߟߋ߬ ߘߌ߫ ߁߉߉߄ ߠߊ߫߸ <<ߒ ߣߊ߫ ߣߌߥߊ߰ߟߋ߬>> ߝߣߊ߫ ߘߏ߫ ߟߋ߬ ߘߌ߫ ߁߉߉߅ ߟߊ߫߸ ߞߵߏ߬ ߟߊ߫ <<ߊ߬ ߘߍ߲߬ߘߍ߲߫>> ߞߊ߲߬ ߂߀߀߃ ߟߊ߫.
ߟߊ߬ ߓߌߛ߭ ߡߊ߲ߘߍ߲ ߟߋ߬ ߦߴߊ߬ ߞߊ߲߬ߕߐ߮ ߘߌ߫߸ ߏ߬ ߡߍ߲ ߞߘߐ ߦߋ߫ ߞߏ߫ ߡߊ߲߬ߘߋ߲߫ ߡߌ߬ߣߊ߲߬ߡߛߏ߸ ߊ߬ ߞߊ߬ ߝߐߟߌ ߞߍ߫ ߝߐߟߌߛߋ߲߫ ߛߌߦߊߡߊ߲߫ ߘߐ߫ ߊ߬ ߟߊ߫ ߢߣߊߡߦߊ ߞߎ߲߬ߕߊ߮ ߞߣߐ߫، ߊ߬ ߞߊ߬ ߥߊߟߌ߫ ߝߐߟߌߛߋ߲ ߠߎ߬ ߣߌ߫ ߡߊ߲߬ߘߋ߲߬ ߕߊ ߛߌߦߊߡߊ߲߫ ߘߏ߲߬ ߢߐ߲߮ ߘߐ߫.
ߊ߬ ߘߏ߲߬ ߞߊ߬ ߛߊ߲߬ ߦߙߌߞߊ߫ ߟߋ߬ ߞߍ߫ ߛߙߊ߬ߟߏ߲߫߸ ߞߊ߬ ߣߊ߬ ߖߌ߬ߣߍ߫ ߖߡߊ߬ߣߊ ߞߣߐ߫ ߞߐ ߟߊ߫ ߛߊ߫߸ ߘߐ߲߬ߞߟߌ߬ ߕߐ߲ߛߐ߲ ߘߏ߫ ߖߊ߬ߕߋ߬ߘߐ߬ߛߌ߮ ߘߌ߫ ߂߀߂߁ ߠߊ߫.
ߊ߬ ߛߊ߬ ߘߊ߫ ߖߊ߲߬ߞߊߙߏ ߟߋ߬ ߛߊߓߎ߫ ߟߊ߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߂߀߂߃ ߞߏߟߌ߲ߞߏߟߌ߲ ߕߟߋ߬ ߀߅ ߡߊ߬߸ ߖߌ߬ߣߍ߬ ߣߌ߫ ߛߌ߯ߣߌ߲߬ ߠߊ߫ ߕߋߙߌߢߐ߲߯ߦߊ ߘߊ߲ߘߊߛߏ ߟߊ߫ ߞߌߔߋ߬ ߞߌ߲߬ߘߊ ߟߊ߫.
ߊ߬ߟߎ߬ ߓߊߘߋ߲߫ ߛߊ߬ߓߊ ߞߊ߬ ߘߐ߲߬ߞߟߌ ߟߊ߫ ߢߐ߲߮ ߝߍ߬ ߞߋߟߋ߲ߘߌ߫ ߂߀߀߂ ߟߊ߫߸ ߞߵߏ߬ ߘߐ߲߬ߞߟߌ ߕߐ߯ߟߊ߫ ߞߏ߫ ߖߙߊ߬ߓߌ، ߊ߬ߟߎ߫ ߡߐ߰ ߛߊ߬ߓߊ ߏ߬ ߟߎ߫ ߟߋ߬ ߛߐ߯ߣߊ߫ ߖߓߊ߬ߕߍ߫ ߣߌ߫ ߛߊ߯ߦߏ߲߫ ߖߓߊ߬ߕߍ߬ ߣߌ߫ ߡߊߡߊ߬ ߖߓߊ߬ߕߍ߬ ߘߌ߫.
ߟߏ߲ߞߊߛߌߦߊ߫ ߞߊ߬ߡߙߊ߬ ߓߟߏ߫