ߝߊ߬ߙߊ߲߬ߛߌ߬ߞߊ߬ ߛߎ߲ߞߎߘߎ߲ߣߍ߲ ߘߏ߫ ߟߋ ߢߊߓߐ߫ ߘߊ߫ ߡߊ߬ߡߊߘߌ߫ ߣߊߡߎ߲ ߝߍ߬ (ߛߌ߬ߟߡߊ߬ߦߊ߬ ߘߌ߯ߣߊ) ߸ ߏ߬ ߞߍ ߊ߬ ߓߐ߫ ߘߊ߫ ߦߊ߬ߤߎ߬ߘߌ߬ߦߊ߬ߦߊ ߘߐ߫ ߞߵߊ߬ ߖߘߍ߬ߞߟߏ߫ ߊ߬ ߘߊ߲ߓߊ߮ ߢߍ߫، ߊ߬ ߛߌߟߊ߲߫ ߘߴߊ߬ ߣߊ߯ߡߎ߲ ߘߌ߫ ߝߊ߬ߙߊ߲߬ߛߌ߫ ߸ ߊ߬ ߓߐ߫ ߘߊ߫ ߞߊ߬ ߓߊ߯ ߊߟߌߖ߭ߋߙߌ߫ ߛߴߊ߬ ߘߌ߫ ߥߊ߫ ߝߙߍ߫ ߊ߬ ߟߊ߫ ߊߟߊ߫ ߓߊߕߏ ߡߊ߬ ߦߋ߲߬، ߞߏ߬ߣߌ߲߬ ߖߊ߰ ߛߐ߲߬ ߖߊ߲ߞߊߙߏ ߦߋ߫ ߘߋ߲ߡߛߏ ߟߊ߫ ߝߊ߬ߙߊ߲߬ߛߌ߫ ߸ ߓߊ߬ߙߌ߬ ߏ߬ ߕߎ߲߬ ߡߊ߫ ߟߐ߲߫، ߒ߬ߞߵߊ߬ ߛߋ ߊߟߌߖ߭ߋߙߌ߫ ߊ߬ ߣߌ߫ ߖߊ߲߬ߞߊߙߏ ߏ߬ ߟߊ߫ ߝߊ߲߬ߞߊ߬ ߛߐߘߐ߲ ߓߍ߲߬ ߘߊ߫ ߡߍ߲ߞߍ߬ ߞߊ߬ ߘߋ߲ߡߛߏ ߟߊߘߛߍ߫ ߞߵߊ߬ ߟߊߟߊ߫ ߖߊ߲߬ߞߊ߬ߙߏ߬ ߖߎ߮ ߏ߬ ߓߟߏ߫ ߓߙߌ߫. ߦߋ߲߬ߡߐ߮ ߟߎ߫ ߞߵߊ߬ߟߎ߬ ߛߋߞߏ ߣߴߊ߬ߟߎ߬ ߟߐ߲ߞߏ ߛߎ߮ ߓߍ߯ ߟߊߡߊ߰ ߝߎߣߎ߲ߒߞߋ߫ ߘߍ߲߬ߞߣߍ߬ߦߊ߬ߣߍ߲߬ ߞߎߘߊ ߟߊ߫ ߖߊ߲߬ߞߊߙߏ ߘߐ߫ ߸ ߞߏ߬ߣߌ߲߬ ߢߊ߫ ߛߌ߫ ߡߊ߫ ߦߴߊ߬ ߡߊ߬ ߝߋߎ߫، ߊ߬ ߣߊ߬ ߘߊ߫ ߝߐ߫ ߞߐ߫ ߟߊ߫ ߞߏ߫ ߝߏ߫ ߊ߬ ߦߴߊ߬ ߞߐߛߊ߬ߦߌ߲߬ ߝߊ߬ߙߊ߲߬ߛߌ߫ ߟߋ߬ ߕߘߋ߫ ߓߊ ߛߐ߲߬ ߖߊ߲ߞߊߙߏ ߓߊߛߌߟߊ߫ ߢߌߡߊ ߡߍ߲ ߠߎ߫ ߦߋ߲߬ ߸ ߏ߬ ߕߍ߫ ߊߙߊߓߎߟߊ߫، ߘߊ߲߬ߡߊ߬ߛߊ߫ ߸ ߛߎ߲ߞߎߘߎ߲ ߖߊ߲߬ߞߊ߬ߙߏ߬ߣߍ߲߬ߓߊ ߞߵߊ߬ ߞߐߞߘߎ߬ ߊ߬ ߝߊ߬ߓߘߊ ߡߊ߬ ߣߊߟߌ߬ߡߎ߲߫ ߝߊ߬ߙߊ߲߬ߛߌ߬ ߘߌ߫، ߝߊ߬ߙߊ߲߬ߛߌ߬ ߘߊ߲ߘߊߟߌߟߊ ߟߎ߫ ߣߊ߬ ߘߴߊ߬ ߟߊ߫ ߊ߬ ߓߘߊߡߐ߮ ߟߎ߬ ߕߟߏ ߞߊ߲߬ ߊ߬ ߣߴߊ߬ ߖߘߍ߬ߞߊߣߌ߲ ߸ ߞߏ߫ ߖߊ߲߬ߞߊߙߏ ߓߘߊ߫ ߣߐ߬ ߛߐ߬ߘߐ߲߬ ߊ߬ ߡߊ߬ ߞߏߖߎ߯ߦߊ߫ ߸ ߏ߬ ߘߐ߫ ߊ߬ ߘߌ߫ ߞߍ߫ ߜߏߦߊ߫ ߘߊ߲ߘߊ߫ ߟߊ߫.
ߊ߬ ߟߊ߫ ߡߐ߱ ߟߎ߬ ߡߴߊ߬ߟߎ߫ ߓߊ߲߬ ߊ߬ ߘߐ߫ ߛߊ߫ ߸ ߞߏ߬ߣߵߊ߬ߟߎ߫ ߞߵߊ߬ ߞߴߊ߬ ߡߊߦߟߍ߫ ߣߴߊ߬ ߟߊߡߐߣߍߓߐ ߟߋ߬ ߘߌ߫ ߸ ߊ߬ ߣߌ߫ ߞߊ߬ ߕߏ߫ ߊ߬ ߜߊߟߏ߲߫ ߠߴߊ߬ߟߎ߬ ߟߊ߫ ߞߏ߫: {ߗߐ߫، ߣߌ߲߬ ߓߍ߲߬ߠߴߌ ߟߊ߫ ߸ ߡߎߙߎ߲ߕߌߓߊ߮ ߓߍ߯ ߦߋ߫ ߛߊ߬ߙߊ߬ ߟߊ߫ ߕߊ߲߬ ߠߋ߬ ߕߘߋ߫ ߸ ߡߍ߲ ߠߎ߬ ߦߋ߫ ߡߎߙߎ߲ߕߌ߫ ߟߊ߫ ߞߊ߬ߣߌ߲߬ ߞߊ߬ ߓߐ߫ ߊ߬ߟߎ߫ ߝߊ߬ ߣߴߊ߬ ߓߋ߲ߓߊ ߟߎ߫ ߜߋ߬ߙߋ ߞߊ߲߬، ߏ߬ ߘߐ߫ ߌ ߟߊ߫ ߖߊ߲߬ߞߊߙߏ ߣߌ߲߬ ߕߍ߫ ߝߏߦߌ߬ ߘߌ߫ ߊ߲ ߡߊ߰ߙߌ ߟߎ߬ ߟߊ߫ ߕߊߢߐ߲߯ߓߐ ߣߴߌ ߝߊ߭ ߟߎ߬ ߟߊ߫ ߘߊ߲ߞߊ ߞߐ߫ ، ߞߊ߬ߕߎ߲߰ ߌߟߋ ߘߌ߫ ߞߍ߫ ߥߟߊ߬ߘߊ߫ ߘߌ߫ ߌ ߢߐ߲߰ ߘߐ߫ ߝߙߌߛߌߥߊߟߋ ߟߎ߬ ߢߍ߫ ߘߎߢߊ߫ ߘߐ߫، ߊ߬ߥߊ߫ ߌ ߟߊ߫ ߖߊ߲߬ߞߊߙߏ ߣߌ߲߬ ߛߎߡߊߕߐߕߍ߫ ߸ ߊ߬ ߘߏ߲߬ ߕߴߌ ߝߊ߰ ߝߋߎ߫ ߝߏߣߴߊ߬ ߞߴߌ ߡߊ߬ߟߏ߫ ߟߋ߬ }.
ߏ߬ ߞߍ ߸ ߛߎ߲ߞߎߘߎ߲ ߣߊ߬ ߘߴߊ߬ ߥߟߌ߬ ߛߎ ߘߎ߬ߕߟߊ ߡߊ߬ ߞߵߊ߬ ߛߊߟߖߌߕߊ߬ ߞߊ߬ ߟߐ߬ ߝߌ߬ߟߊ߬ ߘߴߊߟߊ߫ ߡߊ߬ ߞߊ߬ ߓߊ߲߫ ߞߊ߬ ߞߊ߲ ߢߌ߲߬ ߠߎ߬ ߝߐ߫ ߊߟߊ߫ ߦߋ߫ ߕߊ߲߬ ߞߏ߫:
[ ߒ ߡߊ߰ߙߌ ߊߟߊ߫ ߸ ߒ ߓߘߊ߫ ߘߊ߲ߘߟߊ ߟߎ߬ ߞߊ߲ ߡߍ߲߫ ߞߊ߬ ߒ ߓߘߊߡߐ߮ ߟߎ߬ ߝߣߊ߫ ߞߊ߲ ߡߍ߫، ߞߏ߬ߣߌ߲߬ ߒ ߡߴߌߟߋ ߊߟߊ߫ ߟߋ߬ ߞߊ߲ ߡߍ߲߫ ߛߊ߫.
ߒ ߡߊ߰ߙߌ ߸ ߛߊ߬ߦߊ ߢߍߛߌߟߊ߲ߒߢߍ߫ ߕߍ߫ ߒ ߠߊ߫ ߝߋߎ߫ ߦߏ߫ ߌ ߖߍ߬ߘߍ ߞߵߏ߬ ߟߐ߲߫ ߢߊ ߡߍ߲، ߒ߬ߞߊ߬ ߒ ߧߴߌ ߡߊߘߌߦߊ߫ ߟߊ߫ ߌ ߞߊߣߊ߬ ߒ ߞߍ߫ ߒ ߖߎ߯ ߛߊ߬ߥߏ߬ ߘߌ߫.
ߒ ߡߊ߰ߙߌ ߸ ߌ ߖߊ߰ߣߌ߲߬ ߌ ߞߊߣߊ߬ ߒߠߋ ߟߊ߫ ߘߍ߲߬ߞߣߍ߬ߦߊ ߣߌ߲߬ ߞߍ߫ ߘߎ߲߬ߞߣߍ߬ߦߊ߫ ߕߙߋ߬ߖߎ߯ ߘߌ߫ ߸ ߡߍ߲ ߘߌ߫ ߡߐ߰ ߞߎߘߊ ߟߎ߫ ߟߊߛߌߟߊ߲߫ ߌ ߟߊ߫ ߣߊߡߎ߲ ߘߐ߫ ߘߏ߲ ߢߍ߫.
ߒ ߡߊ߰ߙߌ ߸ ߖߊ߰ߣߌ߲߬ ߌ ߞߊߣߊ߬ ߒ ߠߊ߫ ߘߍ߲߬ߞߣߍ߬ߦߊ ߘߐߖߐ߲߬ߛߐ߫ ߞߎߡߊߕߍ߫ ߞߵߊ߬ ߓߊ߲߫.
ߒ ߡߊ߰ߙߌ ߸ ߖߊ߰ߣߌ߲߬ ߌ ߟߊ߫ ߛߋ ߣߴߌ ߟߊ߫ ߣߐ߭ ߣߴߌ ߟߊ߫ ߝߊ߲߬ߞߊ ߦߌ߬ߘߊ߬ ߓߊ߲߬ߓߊ߮ ߟߎ߬ ߣߴߊ߬ߟߎ߬ ߟߊ߫ ߊߟߊ߫ ߟߎ߬ ߟߊ߫ ߡߍ߲ ߘߴߊ߬ߟߎ߬ ߟߊߛߐ߲߬ ߌ ߘߐ߫].
ߘߋ߲ߡߛߏ ߓߊ߲ߣߍ߲ ߘߎߓߊ߫ ߓߎ߰ߓߎ߰ߣߍ߲ ߢߌ߲߬ ߠߎ߫ ߦߌ߬ߘߊ߬ ߟߊ߫ ߞߏ ߓߍ߯ ߕߌ߱ ߟߊ߫ ߊ߬ ߛߣߐ߬ߡߍ ߓߎ߰ߓߎ߰ߣߍ߲ ߠߊ߫ ߸ ߊ߬ ߡߣߍ߬ߡߣߍ߬ ߘߊ߫ ߏ߬ ߘߌ߲߬ߞߌߙߊ ߡߎ߰ߡߍ ߘߐ߫ ߞߊ߬ ߛߌ߬ߣߐ߰، ߘߊ߲ߘߟߊ ߣߊ߬ ߘߊ߫ ߘߏ߲߬ ߊ߬ ߞߊ߲߬ ߛߐ߱ߡߊ߬ ߞߵߊ߬ ߕߏ߫ ߛߌ߬ߣߐ߮ ߘߐ߫ ߡߍ߲ߞߍ߬ ߸ ߏ߬ ߞߊ߲߫ ߞߏ߫ ߊߜߊ߫ ߊ߬ ߞߏ ߓߘߊ߫ ߓߐ߫ ߊ߬ ߟߊ߫߹
ߞߏ߬ߣߌ߲߬ ߏ߬ ߡߊ߫ ߡߌ߬ߛߍ߲߬ ߓߐ߫ ߘߋ߲ߡߛߏ ߞߵߊ߬ ߢߊߟߊߞߊ߬ ߕߋ߲߬ ߥߟߍߟߍߟߍ߫، ..
ߘߊ߲ߘߟߊ ߞߵߊ߬ ߡߊߝߟߍ߫ ߢߊ ߓߍ߯ ߘߏ߫ ߡߊ߬ ߸ ߞߏ߬ߣߌ߲߬ ߤߊߟߌ߫ ߖߊ߲߬ߞߊߙߏ ߢߐ߬ߛߌ߬ ߞߋߟߋ߲߫ ߔߋ߫ ߥߟߊ߫ ߊ߬ ߕߐ߰ߡߊ߬ߛߙߋ߬ ߞߋߟߋ߲߫ ߔߋ߫ ߕߍ߫ ߘߋ߲ߡߛߏ ߟߊ߫ ߏ߬ ߞߐ߫، ߖߊ߰ ߊߟߊ߫ ߓߘߊ߫ ߖߊ߲߬ߞߊߙߏ ߟߊߥߟߌ߬ ߊ߬ ߞߊ߲߬ ߠߵߏ߬ ߘߌ߫ ߓߏ߬.
ߘߊ߲ߘߟߊ ߞߵߊ߬ ߝߐ߫ ߊ߬ ߡߊ߬ ߞߏ߫: ߌ ߓߐߣߍ߲߫ ߓߊߛߌ߫ ߘߌ߫ ߡߌ߲߫؟
ߊ߬ ߞߊ߲߫ ߞߏ߫: ߒ ߡߊ߰ߙߌ ߓߘߊ ߞߍ߬.
ߏ߬ ߞߍ ߸ ߘߊ߲ߘߟߊ ߏ߬ ߟߊߣߍ߲߫ ߡߐ߰ ߓߌߦߙߌߞߊ߫ ߞߊ߲߬ ߸ ߏ߬ ߓߍ߯ ߞߵߊ߬ߟߎ߫ ߖߘߍ߬ߟߊߛߊ߬ߦߌ߲߬ ߊߟߊ߫ ߡߊ߬ ߘߋ߲ߡߛߏ ߝߍ߬ ߞߵߊ߬ߟߎ߬ ߞߍ߫ ߖߘߍ߬ߞߟߏ߬ߦߊ߬ߓߊ߮ ߟߎ߬ ߘߏ߫ ߘߌ߫.
ߏ߬ ߘߐ߫ ߊߟߊ߫ ߡߴߊ߬ ߞߍ߫ ߊ߬ ߖߎ߯ ߛߊ߬ߥߏ߬ ߘߌ߫ ߝߋߎ߫.
ߖߐ߲߬ߡߊߛߌߣߌ߲ߟߐ߲߫ ߓߟߏ߫