ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬߸ ߖߋ߬ߟߌ߬ߓߊ߬ߘߎ߯ ߣߌ߫ ߡߊ߬ߟߌ ߣߌ߫ ߓߙߎߞߌߣߊ߫ ߟߎ߫ ߞߐߞߊ߲ߞߏ ߟߎ߬ ߞߏߕߌ߮ ߟߎ߬ ߞߵߊ߬ߟߎ߬ ߟߊߘߍ߬߸ ߞߊ߬ ߞߙߎߝߊ߫ ߞߊߝߏ߫ ߞߏ ߡߙߌߦߊ ߘߐߖߊ߬ߥߏ߫ ߊ߬ߟߎ߬ ߣߌ߫ ߢߐ߲߯ ߕߍ߫.
ߊ߬ ߘߏ߲߬߸ ߖߡߊ߬ߣߊ߬ ߘߊ߲ߘߐ ߢߌ߲߬ ߠߎ߬ ߓߘߊ߫ ߢߌ߲߬ߘߍ ߘߏ߫ ߛߌ߲ߘߌ߫߸ ߡߍ߲ ߠߊߘߊ߲ߣߍ߲߫ ߊ߬ߟߎ߬ ߓߟߏ߫߸ ߊ߬ߟߎ߬ ߟߊ߫ ߖߡߊ߬ߣߊ ߟߎ߬ ߟߊ߫ ߡߊ߲߬ߕߎ߬ߙߋ߬ߦߊ ߣߴߊ߬ߟߎ߬ ߟߊ߫ ߖߘߍ߬ߕߐ߲߬ߕߌ߰ߦߊ ߣߌ߫ ߣߊ߲߬ߝߟߏ߬ߦߊ߬ߟߌ ߟߎ߬ ߞߋ߬ߟߋ߲߬ߧߊ߬ߟߌ ߡߙߌߦߊ ߞߐߡߊߓߌ߲ߓߌ߲ ߣߴߊ߬ ߟߥߊߟߌ ߞߊ߲ߡߊ߬.
ߊ߬ߟߎ߬ ߟߊ߫ ߟߊ߬ߘߍ ߣߌ߲߬ ߞߎ߲߬ߕߊ߮ ߞߣߐ߫߸ ߊ߬ߟߎ߫ ߞߵߊ߬߬ߟߎ߬ ߟߊ߫ ߢߌ߲߬ߧߊ ߞߣߐߞߏ߫ ߞߎߘߊ ߟߎ߬ ߢߊߛߌߝߊ߫، ߞߏߕߌ߯ ߛߊ߬ߓߊ ߢߌ߲߬ ߠߎ߫ ߞߵߊ߬ߟߎ߬ ߓߊ߲ߓߊ߲߫ ߊ߬ߟߎ߬ ߟߊ߫ ߕߍߓߊ߯ߦߊ߫ ߞߏ߫ ߞߎߡߊ ߞߊ߲߬߸ ߊ߬ ߣߴߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߣߌ߫ ߖߡߊ߬ߣߊ ߟߎ߬ ߟߊ߫ ߥߙߎߞߌ ߞߍߗߏ߮ ߟߎ߬߸ ߞߵߏ߬ ߟߊ߫ ߓߘߍ߬ߓߘߍ߬ߟߌ ߛߐ߬ߘߐ߲ ߞߏߢߊ ߟߎ߬ ߞߊ߲߬߸ ߢߌ߲߬ ߠߎ߬ ߓߍ߯ ߟߋ߬ ߘߐߖߊ߬ߥߏ߬ ߘߴߊ߬ߟߎ߬ ߓߟߏ߫ ߟߊ߬ߘߍ ߣߌ߲߬ ߘߐ߫.
ߊ߬ߟߎ߫ ߞߵߊ߬ߟߎ߬ ߟߊߘߍ߬ ߣߍߣߍߓߊ ߕߋ߬ߟߋ߫ ߂߅ ߕߊ߬ߡߌ߲߬ߣߍ߲߸ ߊ߬ߟߎ߫ ߞߵߊ߬ ߦߌ߬ߘߊ߬ ߟߊ߬ߘߍ ߏ߬ ߟߋ ߘߐ߫߸ ߞߏ߫ ߝߏ߫ ߊ߬ߟߎ߬ ߦߋ߫ ߞߊߘߊ߲ ߓߍ߯ ߞߍ߫߸ ߞߊ߬ ߣߊ߲߬ߝߟߏ߬ ߞߋ߬ߟߋ߲߬ߧߊ ߓߊ߬ߟߊ߲ ߛߌ߰߸ ߛߴߊ߬ߟߎ߬ ߘߌ߫ ߛߴߊ߬ߟߎ߬ ߟߊ߫ ߖߡߊ߬ߣߊ ߟߎ߬ ߟߊ߫ ߓߊߛߌ߯ߟߌ ߞߏߢߊ ߟߎ߬ ߢߊߓߐ߫ ߟߊ߫߸ ߊ߬ ߣߴߊ߬ߟߎ߬ ߦߋ߫ ߛߴߊ߬ߟߎ߬ ߟߊ߫ ߞߏ߫ ߛߌߦߊߡߊ߲߫ ߢߊߓߐ߫ ߟߴߊ߬ߟߎ߫ ߖߘߍ߬ ߦߋ߫، ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߛߐ߬ߘߐ߲ ߣߌ߫ ߝߊ߬ߘߊ߲߬ߞߊ߬ ߞߋ߬ߟߋ߲߬ߧߊ߬ ߞߏ߬ ߞߎߡߊ ߣߌ߲߬ ߘߐߖߊ߬ߥߏ߫ ߟߋ߬ ߝߋߝߋ߫߸ ߞߏ߫ ߝߏ߫ ߞߊ߬ ߥߊߘߌ߫ ߞߋߟߋ߲߫ ߠߋ߬ ߟߊߘߊ߲߫߸ ߊ߬ߟߎ߬ ߟߊ߫ ߞߙߎߝߊ ߘߌ߫ ߘߍ߬ ߡߍ߲ ߠߊ߫.
ߊ߬ ߕߍ߫ ߡߍ߲߫ ߡߎ߬ߕߎ߲߬߸ ߓߙߎߞߌߣߊ߫ ߣߌ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯߸ ߊ߬ߟߎ߬ ߞߊ߲ߕߌ߮ ߟߎ߬ ߘߴߊ߬ߟߎ߬ ߟߊߘߍ߬ ߓߡߊ߬ߞߐ߫ ߢߐ߲߯ߦߋ ߘߏ߫ ߞߊ߲ߡߊ߬، ߞߏߕߌ߮ ߟߎ߬ ߟߊ߫ ߞߎߡߊ߫ ߝߐߣߍ߲ ߓߍ߯ ߟߊߕߍ߰ߕߐ߫ ߏ߬ ߟߎ߫ ߟߋ߬ ߓߟߏ߫ ߡߎ߬ߕߎ߲߬ ߛߊ߫، ߏ߬ ߟߊߛߋ߫ ߘߊ߫ ߡߊ߬ߟߌ ߕߍߓߊ߯ߦߊ ߞߎ߲߬ߕߌ߮ ߟߋ߬ ߓߟߏ߫߸ ߊߓߘߎߟߊߦߌ߬ ߖߐߔ، ߊ߬ ߞߏ߬ߣߌ߲ ߡߊ߫ ߞߊ߲ߕߌ߮ ߟߎ߬ ߟߊ߫ ߟߊ߬ߘߍ ߕߎ߬ߡߊ߬ ߞߋ߲ߟߋ߲߫ ߝߐ߫.
ߟߏ߲ߞߊߛߌߦߊ߫ ߞߊ߬ߡߙߊ߬ ߓߟߏ߫