ߕߟߋ߬ߓߋ߬ ߊߝߙߌߞߌ߬ ߣߊ߲߬ߕߌ߰ ߞߎ߲߬ߕߌ߰ ߛߌߦߊߡߊ߲߫ ߞߵߊ߬ߟߎ߬ ߟߊߘߍ߬ ߓߌ߬ߟߊ߬ߒ߬ߘߐ߬ ߟߊߘߍ ߘߏ߫ ߞߊ߲ߡߊ߬ ߣߌߖ߭ߋߙߌߦߊ߫، ߟߊ߬ߘߍ ߏ߬ ߘߐ߫߸ ߊ߬ߟߎ߲߬ ߓߍ߲߬ ߘߊ߫ ߝߊ߲߬ߝߘߊ ߘߏ߫ ߡߊ߬ ߣߊ߲߬ߕߌ߮ ߟߎ߬ ߟߊߕߊ߯ ߞߏ ߘߐ߫ ߣߌߖ߭ߍߙ.
ߌߞߏߡߌ߲߬ ߕߎ߬ߡߘߊ߬ ߝߐߣߍ߲ ߦߴߊ߬ ߡߊߛߍ߲߬ߛߍ߲ ߞߊ߲߬ ߘߏߣߍ߲ߘߏߣߍ߲߫، ߞߊ߬ߝߏ߬ ߖߊ߬ߛߏ߲߬ ߣߊ߲ߕߌ߮ ߟߎ߬ ߘߏ߲߬ ߓߊ߲߬ߣߴߊ߬ߟߎ߬ ߓߟߏߓߐ߫ ߟߊ߫ ߡߊ߲߬ߛߊ߬ߦߊ ߘߐ߫߸ ߞߎߡߊߕߍ߫ ߞߊ߲ߕߌ߯ ߟߊߓߋ߬ߣߍ߲ ߡߊ߬ ߓߌ߬ߟߊ߬ ߞߏ ߡߊ߬، ߊ߬ ߘߏ߲߬߸ ߊ߬ߟߎ߬ ߜߍ߲߫ ߞߏ߫ ߞߎߡߊ ߦߴߌߘߐ߫ ߞߏ߫ ߝߌ߬ߟߊ ߏ߬ ߓߍ߯ ߟߋ߬ ߘߐ߫߸ ߞߏ߫ ߊ߬ߟߎ߬ ߦߋ߫ ߡߊ߲߬ߛߊ߬ߦߊ ߟߊߛߊ߬ߦߌ߲߫ ߊ߬ ߕߌ߱ ߡߊ߬߸ ߏ߬ ߡߍ߲ ߛߎߥߊ߲ߘߌ߫ ߘߊ߫ ߢߣߊߕߊߟߌ߫ ߕߎ߬ߢߊ߬ߡߊ ߘߐ߫ ߡߌ߬ߙߌ߲߬ߘߌ ߓߟߏ߫، ߝߣߊ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߓߟߏߓߐ߫ ߞߊ߲ߕߌ߯ ߟߊߞߘߎ߬ߣߍ߲ ߘߐ߫߸ ߞߵߊ߬ ߞߊ߲ߠߊߓߌ߬ߟߴߊ߬ ߟߊ߫ ߡߊ߲߬ߛߊ߬ߦߊ ߞߍ߫ ߞߊ߲ߡߵߊ߬ ߘߌߦߊ߫ ߘߐ߫، ߒ߬ߓߊ߬߸ ߛߘߋߦߊߥߏ ߣߊ߲߬ߕߌ߰ ߞߎ߲ߕߌ߮ ߟߎ߬ ߟߊ߫ ߢߐ߲߯ߦߋ ߘߐ߫ ߛߊ߫߸ ߊ߬ߟߎ߫ ߓߍ߲߬ ߘߴߊ߬ ߡߊ߬ ߕߊ߲߬:
ߘߊ߯ߘߐ ߞߎ߲߬ߕߌ߮ ߟߎ߬ ߓߘߊ߫ ߓߊ߯ߙߊ ߖߍ߬ߘߍߖߍ߬ߘߍ ߟߋ߬ ߞߍ߫߸ ߛߎ ߣߌ߫ ߕߋ߬ߟߋ߸ ߞߊ߬ ߝߊ߲߬ߝߘߊ߫ ߡߊߗߍ߲߬߸ ߡߍ߲ ߞߍߕߐ߫ ߣߊ߲߬ߕߌ߮ ߟߎ߬ ߟߊߕߊ߯ ߞߏ ߘߐߞߣߍ߫ ߟߊ߫ ߣߌߖ߭ߍߙ ߞߊ߲ߓߍ߲ ߖߡߊ߬ߣߊ ߞߣߐ߫، ߖߐ߲߰ߛߊ߫ ߖߡߊ߬ߣߊ ߘߌ߫ ߟߊߛߊ߬ߦߌ߲߫ ߛߌ߰ߞߊ߲ ߞߎ߲߬ߕߋߟߋ߲ ߞߣߐ߫߸ ߞߊ߬ ߓߊ߲߫ ߞߊ߬ ߞߊ߲ߕߌ߯ ߟߊߞߘߎ߬ߣߍ߲ ߓߐ߫ ߓߟߏߘߐ߫، ߗߍ߬ߘߋ߲ ߡߍ߲ ߺ ߍ ߺ ߡߍ߲߫ ߞߊ߫ ߞߊ߲߫ ߞߊ߬ ߥߊ߫ ߞߟߍ߬ߘߊ ߣߌ߲߬ ߘߐ߫߸ ߊ߲ ߓߘߴߏ߬ ߓߍ߯ ߘߐߓߍ߲߬ ߦߊ߲߬߸ ߊ߬ߟߎ߫ ߘߏ߲߬ ߦߴߊ߬ߟߎ߬ ߓߌ ߞߊ߲߬، ߞߎߡߊߕߍ߫ ߞߍ߬ߟߍ ߢߍߥߟߊ ߡߊ߬߸ ߞߵߏ߬ ߟߴߊ߬ ߡߊ߬ߞߏ߬ߡߊ߬ߝߋ߲ ߠߎ߬ ߓߍ߯ ߞߊ߲߬ ߛߍߣߍ߲߬، ߊ߬ߟߎ߬ ߥߊ߫ ߦߌߟߊ ߣߴߊ߬ߟߎ߬ ߥߊ߫ ߢߊ ߡߎ߰ߡߍ ߟߋ߬ ߘߊߘߐߓߍ߲߬ߣߍ߲߫ ߒ߬ ߓߟߏ߫ ߦߊ߲߬، ߏ߬ ߟߊߛߋ߫ ߘߊ߫ ߡߎߛߊ߫ ߊߓߑߘߍߟ ߝߊߕߏ߫ ߟߋ߬ ߓߟߏ߫߸ ߏ߬ ߡߍ߲ ߦߋ߫ ߛߘߋߦߊߥߏ ߓߘߍ߬ߓߘߍ߬ߟߌ ߣߌ߫ ߖߐ ߣߌ߫ ߟߊ߬ߞߊ߲߬ߘߊ߬ߟߌ ߞߏߢߊ ߟߎ߬ ߞߎ߲߬ߠߊ߫،
ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߞߵߊ߬ ߖߊ߬ߡߊߙߌ ߘߌ߫ ߞߊ߬ߙߌ߬ߝߐ ߕߟߋ߬ ߃߀ ߟߋ߬ ߡߊ߬߸ ߞߏ߫ ߣߊ߲߬ߕߌ߮ ߡߍ߲ ߠߎ߬ ߣߐ߬ ߞߊ߲ߕߌ߯ ߡߏ߬ߤߊ߬ߡߍ߬ߘ ߓߊߖ߭ߎߡ ߠߊߥߟߏ߫ ߟߊ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߞߊߘߊ߲߫ ߞߵߊ߬ ߟߊߛߌ߰ ߊ߬ ߣߐ߭ ߘߐ߫ ߦߊ߬ߣߌ߲߫ ߞߎ߬ߢߐ߲߰ ߞߋߟߋ߲߫߸ ߣߴߏ߬ ߕߍ߫ ߞߏ߫ ߊ߬ߟߎ߬ ߘߌ߫ ߥߴߊ߬ߟߎ߬ ߞߊ߲ߡߊ߬ ߣߊ߲߬ߕߌ߰ ߝߊ߲ߞߊ ߘߌ߫.
ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߣߊ߲߬ߕߌ߰ ߞߎ߲ߕߌ߮ ߟߎ߬ ߞߵߊ߬ߟߎ߬ ߟߊߘߍ߬ ߊߓߎߖ߭ߊ߫߸ ߣߌߖ߭ߋߙߌߦߊ߫ ߞߎߓߋߘߊ ߟߊ߫߸ ߞߊ߬ ߥߴߊ߬ߟߎ߬ ߢߌߣߌ߲ߝߋ߲ ߠߎ߬ ߢߊߝߐ߫߸ ߊ߬ߟߎ߫ ߡߊ߬ߞߏ ߦߋ߫ ߡߍ߲ ߠߎ߬ ߟߊ߫ ߞߍ߬ߟߍ ߣߌ߲߬ ߘߐ߫ ߞߏߖߊ ߣߌ߲߬ ߓߍߘߍ߲ߛߍ ߘߐ߫، ߊ߬ߟߎ߫ ߞߵߊ߬ ߦߌ߬ߘߴߊ߬ߟߎ߬ ߟߊ߫ ߞߎߡߊ ߘߐ߫߸ ߞߏ߫ ߊ߬ߟߎ߬ ߓߌߣߍ߲߫ ߠߋ߬ ߝߋߝߋ߫ ߞߊ߬ ߕߊ߯ ߘߊ߲߭ߛߌ߰ ߞߏߢߊ ߣߌ߲߬ ߠߊ߫، ߒ߬ߞߊ߬ ߛߘߋߦߊߥߏ ߕߍߣߵߊ߲ ߠߊ߫ ߝߊ߲߬ߝߘߊ ߝߐ߫ ߟߊ߫ ߞߊ߬ߝߏ߬ߖߊ߬ߛߏ߲߬ߠߊ ߢߌ߲߬ ߠߎ߬ ߦߋ߫ ߝߋߎ߫߸ ߊ߬ߟߎ߬ ߕߍߣߵߊ߬ ߟߐ߲߫ ߠߊ߫߸ ߊ߲ ߥߊߕߐ߫ ߢߊ ߡߍ߲ ߡߊ߬߸ ߊ߬ ߣߌ߫ ߦߙߐ߫ ߞߋߟߋ߲ ߡߍ߲ ߝߍ߬، ߏ߬ ߘߐ߫߸ ߦߙߍߞߍߟߌ ߡߙߌߘߐ߫ ߟߋ߬ ߦߴߊ߬ ߘߌ߫߸ ߡߍ߲ ߕߊ߬ߕߐ߫ ߞߊ߬ߝߏ߬ ߞߎ߲ߕߌ߮ ߟߎ߬ ߓߟߏ߫، ߊ߲ߠߎ߬ ߞߏ߬ߣߌ߲ ߦߋ߫ ߡߍ߲ ߝߍ߬߸ ߏ߬ ߟߋ ߕߍߝߐ ߟߊ߫ ߛߎߘߊ߲ ߘߌ߫߸ ߊ߬ ߣߴߊ߲ ߧߴߊ߬ ߝߍ߬ ߊ߬ ߦߋ߫ ߟߊߜߍ߫ ߞߊ߬ߝߏ߬ߖߊ߬ߛߏ߲߬ߠߊ ߢߌ߲߬ ߠߎ߫ ߡߊ߬߸ ߦߏ߫ ߞߊߙߏ ߕߟߋ߬ ߕߊ߲ ߣߌ߫ ߟߏ߯ߟߎ߸ ߞߏ߫ ߊ߲ ߓߘߊ߫ ߕߎ߬ߡߊ ߘߴߊ߬ߟߎ߫ ߡߊ߬߸ ߊ߬ߟߎ߬ ߘߌ߫ ߛߴߊ߬ߟߎ߫ ߥߟߌ߬ ߟߴߊ߬ߟߎ߫ ߖߘߍ߬ ߦߋ߫ ߕߎ߬ߡߊ ߡߍ߲ ߞߘߐ߫. ߊ߬ߟߋ߬ ߛߘߋߦߥߏ ߕߐ߲ߕߌ߯ߗߍ ߟߋ߬ ߞߊ߬ ߣߌ߲߬ ߝߣߊ߫ ߝߐ߫߸ ߣߊߟߌ߬ߡߎ߲߫ ߡߎߛߊ߫ ߊߓߑߘߍߟ ߝߊߕߏ߫ ߘߌ߫.
ߣߌߖ߭ߋߙߌߦߊ߫ ߣߊ߲߬ߕߌ߮ ߟߎ߬ ߞߏ߬ߣߌ߲ ߞߊ߲߫߸ ߞߏ߫ ߣߴߊ߬ ߝߐ߫ ߘߊ߫ ߞߏ߫ ߛߌߣߌ߲߫߸ ߞߏ߫ ߊ߬ߟߎ ߘߴߊ߬ ߝߐ߫ ߞߏ߫ ߓߌ߬، ߞߵߏ߬ ߞߎ߲߭ ߞߍ߫ ߊ߬ߟߎ߬ ߓߌ ߘߌ߫ ߕߊ߯ߟߌ ߞߊ߲ߡߊ߬، ߛߴߊ߬ߟߎ߬ ߘߌ߫ ߥߊ߫ ߓߊߖ߭ߎߡ ߣߴߊ߬ ߞߐߙߍ ߓߐ߫ ߓߟߏߘߐ߫߸ ߏ߬ ߟߎ߬ ߡߍ߲ ߠߎ߬ ߕߋ߬ߟߋ߫ ߉ ߦߋ߫ ߟߊ߬ߡߙߊ ߘߐ߫ ߣߌ߲߬.
ߒ߬ߓߊ߬߸ ߡߙߌߦߊ ߢߌ߲߬ ߠߋ߬ ߘߌߦߊߣߍ߲߫ ߝߊ߬ߙߊ߲߬ߛߌ߬ ߦߋ߫ ߢߊ ߓߍ߯ ߡߊ߬، ߝߏ߫ ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߛߘߌߦߊߥߏ ߞߐߡߊߓߌ߲ߓߌ߲߫ ߠߊ߫ ߣߊ߲߬ߕߌ߰ ߟߊ߬ߕߊ߰ ߞߏ ߣߌ߲߬ ߘߐ߫ ߢߊ ߓߍ߯ ߘߏ߫ ߡߊ߬، ߖߐ߲߰ߛߴߊ߬ߟߎ߬ ߘߌ߫ ߞߊ߬ߝߏ߬ߖߊߛߏ߲ ߢߌ߲߬ ߠߊߗߌߙߏ߲߫، ߓߊߏ߬߸ ߞߏ߫ ߣߊ߲߬ߕߌ߮ ߢߌ߲߬ ߠߎ߬ ߦߴߊ߬ ߝߍ߬ ߞߊ߬ ߣߌߖ߭ߍߙ ߡߊ߬ߞߏߛߊ߬ ߟߋ߬߸ ߞߵߊ߬ ߟߊ߫ ߛߌߣߌ߲߫ ߣߊ߬ߕߐ ߢߍߥߟߊ ߟߎ߬ ߘߊߕߐߘߐ߲߫، ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߦߴߊ߬ ߢߌߣߌ߲߫ ߠߊ߫ ߞߊ߬ߝߏ߬ߖߊ߬ߛߏ߲߬ߠߊ ߟߎ߬ ߝߍ߬߸ ߊ߬ߟߎ߬ ߦߋ߫ ߞߊߘߊ߲ ߓߍ߯ ߞߍ߫ ߞߊ߬ ߓߊߖ߭ߎߡ ߓߌ߬ߟߊ߬߸ ߞߵߊ߬ ߣߴߊ߬ ߟߊ߫ ߞߎ߲߬ߠߊ߬ߛߌ߰ ߛߌ߲ߝߏ߲ ߓߍ߯ ߟߊߛߊ߬ߦߌ߲߫ ߊ߬ߟߎ߫ ߣߐ߭ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫