ߓߊߖ߭ߎߡ ߞߎߡߊ߫ ߞߊ߲߫ ߝߟߐ ߟߊߞߊ߬ߟߌ߬ ߘߊ߫ ߓߌߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߊߡߙߌߞߌ߬ ߝߐ߰ߓߍ ߘߏ߫ ߓߟߏ߫߸ ߡߍ߲ ߕߐ߯ ߞߏ߫ *ߥߊߛ߭ߌ߲ߕߐ߲ ߔߐߛߕ ߞߊ߬ߦߌ߯ ߞߊ߬ߝߏ߬ ߖߊߛߏ߲ ߞߍ߫ ߘߴߊ߬ ߟߊ߫߸ ߊ߬ ߕߎ߲߬ ߡߊ߫ ߞߎߡߊ߫ ߡߎߣߎ߲߬. ߊ߬ ߟߊ߫ ߞߎߡߊ ߞߵߊ߬ ߦߌ߬ߘߊ߬߸ ߞߏ߫ ߣߊ߲߬ߕߌ߮ ߟߎ߬ ߟߊ߫ ߞߊ߬ߝߏ߬ ߖߊߛߏ߲ ߣߌ߲߬ ߞߐ ߤߊߡߌ߲ ߠߋ߬ ߦߴߊ߬ ߟߊ߫߸ ߓߊߏ߬ ߊ߬ ߛߌߞߊߣߍ߲߫߸ ߊ߬ߟߎ߬ ߞߊߣߊ߬ ߝߊ߲߬ߞߊ߬ ߘߌ߫ ߓߊ߰ߓߊ߰ߟߌ߬ߟߊ ߟߎ߫ ߡߊ߬߸ ߞߵߏ߬ ߞߍ߫ ߊ߬ߟߎ߬ ߣߌ߫ ߙߎ߬ߛߌ߬ ߟߊ߫ ߕߍߓߊ߯ߦߊ ߜߋ߲߭ߞߘߎ߬ ߞߎ߲ ߘߌ߫ ߛߊ߫.
ߊ߬ ߞߊ߲߫ ߞߏ߫ ߢߌ߲߬ ߠߎ߬ ߟߊ߫ ߝߊ߲߬ߞߊ߬ ߕߊ ߣߌ߲߬ ߦߋ߫ ߕߏ߬ߟߌ߬ߡߊ߬ߛߌ߮ ߟߋ߬ ߘߌ߫، ߞߏ߫ ߣߊ߲߬ߕߌ߮ ߢߌ߲߬ ߠߎ߫ ߓߋ߬ߣߍ߲߫ ߣߌߖ߭ߍߙ ߞߊ߲߬ ߠߋ߬߸ ߞߵߊ߬ߟߎ߬ ߡߊߝߟߍ߫ ߖߡߊ߬ߣߊ ߟߊ߫ ߓߍ߯ߦߊ ߘߊߝߘߌ ߟߊ߫. ߞߏ߫ ߊ߬ ߖߍ߬ߘߍ ߓߘߴߊ߬ ߡߍ߲߫ ߞߏ߫ ߊ߬ߟߋ߬ ߣߊ߲߬ߕߌ߮ ߟߎ߬ ߓߘߊ߫ ߘߎ߰ߘߋ߲߫ ߛߐ߲߬ߒ߬ߕߊ߲߫ ߗߡߍ߬ ߦߙߌߞߊ߫ ߟߋ߬ ߘߏ߲߬ ߥߛߎ ߟߊ߫ ߕߋ߲߬߸ ߓߊ߰ߒ߬ߡߊ ߣߌ߫ ߕߎ߬ߢߊ߫ ߕߊ߬ߣߊ ߟߊ߫.
ߡߏ߬ߤߊ߬ߡߍ߬ߘ ߓߊߖ߭ߎߡ ߡߌ߬ߘߊ߬ ߘߊ߫ ߣߊ߲߬ߕߌ߮ ߟߎ߬ ߓߟߏ߫ ߞߊ߬ߦߌ߯ ߞߊ߬ߙߌ߬ߝߐ ߕߋ߬ߟߋ߫ ߂߆ ߟߋ߬ ߡߊ߬߸ ߞߵߊ߬ ߟߊߞߎ߬ߘߎ߫ ߊ߬ ߖߍ߬ߘߍ ߟߊ߫ ߡߊ߲߬ߛߊ߬ ߞߎߓߋ ߞߣߐ߫.
ߊ߬ ߞߊ߲߫߸ ߞߏ߫ ߣߌ߫ ߞߊ߬ߝߏ߬ ߖߊߛߏ߲ ߣߌ߲߬ ߛߎߘߊ߲߫ ߘߊ߫߸ ߞߏ߫ ߊ߬ ߞߐߝߟߌ ߖߍ߬ߘߍߖߍ߬ߘߍ ߟߋ߬ ߘߌ߫ ߛߋ߫ ߣߌߖ߭ߍߙ ߖߡߊ߬ߣߊ ߡߊ߬߸ ߞߎߡߊߕߍ߫ ߕߟߋ߬ߓߋ߬ ߊߝߙߌߞߌ߬ ߣߌ߫ ߘߎߢߊ߫ ߡߎ߰ߡߍ ߡߊ߬. ߞߏ߫ ߊߟߎ߫ ߦߴߊ߬ ߡߊߝߟߍ߫ ߞߍ߬߸ ߊ߬ߟߋ߬ ߣߊ߲߬ߕߌ߯ ߞߎ߲߬ߕߍ߰ߜߍ ߟߎ߬ ߣߴߊ߬ߟߎ߬ ߢߌ߲߬ ߞߊ߲ߕߌ߯ ߖߊߛߏ߲ߠߊ ߟߎ߬ ߦߴߊ߬ ߝߍ߬ ߟߋ߬ ߣߌ߲߬߸ ߞߊ߬ ߞߌ߬ߢߍ߬ߞߏ߲ߞߏ߫ ߕߍߡߊ߫ ߝߊ߲ߝߍߟߊ ߞߍ߫ ߙߎ߬ߛߌ߬ ߘߊ߯ ߦߌߟߊ ߘߌ߫߸ ߊ߬ߟߎ߫ ߘߏ߲߬ ߣߴߏ߬ ߟߎ߬ ߟߊ߫ ߘߍ߭ ߟߋ߬ ߞߍߕߐ߫ ߓߊ߰ߓߊ߰ߟߌ ߖߘߌ߫ ߟߊ߫߸ ߏ߬ ߟߊߒߡߊ ߘߏ߫ ߟߋ߬ ߎ߳ߞߑߙߍߣ ߘߌ߫߸ ߓߊ߰ߓߊ߰ߟߌ߬ߟߊ ߥߙߍߓߊߓߊ ߦߋ߫ ߦߋ߲߬ ߡߍ߲ ߘߐ߫.
ߓߊߖ߭ߎߡ ߛߎߘߊ߲߫ ߘߊ߫ ߂߀߂߁ ߢߣߊߕߊߟߌ ߟߋ߬ ߘߐ߫ ߞߊ߬ ߞߍ߫ ߣߌߖ߭ߍߙ ߞߊ߲ߕߌ߮ ߘߌ߫߸ ߊ߬ ߞߊ߲߫ ߊ߬ ߟߊ߫ ߞߎߡߊ߫ ߘߐ߫ ߌߞߐ߫߸ ߞߏ߫ ߣߊ߲߬ߕߌ߮ ߢߌ߲߬ ߠߎ߫ ߣߐ߬ ߥߎߦߊ ߟߋ߬ ߘߐߛߊߙߌ߫ ߟߴߊ߬ ߝߐ ߘߌ߫߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߣߌߖ߭ߍߙ ߞߎ߲߬ߠߊ߬ߝߎߟߋ߲ ߠߋ߬ ߓߊ߲ߓߊ߲߫، ߕߎ߬ߢߊ߬ ߟߊ߬ ߝߐߟߌ ߘߐ߫߸ ߞߏ߫ ߊ߬ߟߎ߫ ߣߊ߬ߣߍ߲߫ ߣߌߖ߭ߍߙ ߟߊ߬ߞߊ߲߬ߘߊ߬ߟߌ ߘߝߊߣߍ߲߫ ߞߏߟߌߞߏߟߌ ߟߋ߬ ߛߐ߬ߘߐ߲߬ ߠߊ߫. ߞߊ߬ߕߎ߲߯߸ ߞߏ߫ ߣߴߌ ߞߊ߬ ߖߡߊ߬ߣߊ ߥߙߏ߬ߘߎ߮ ߕߊ߬߸ ߓߞߏ߫ ߤߙߊߡ ߓߊ߰ߓߊ߰ߟߌ߬ ߞߙߎ ߦߋ߫ ߦߋ߲߬ ߡߍ߲ ߘߐ߫߸ ߞߏ߫ ߊ߬ ߓߘߊ߫ ߛߊ߲߭ ߝߌ߬ߟߊ߬ ߓߐ߫ ߕߋ߲߬߸ ߖߛߎ߬ ߞߟߊ߬ߦߊ߬ ߝߏߦߌ߬ ߕߴߦߋ߲߬߸ ߡߙߊ߬ߒ߬ߡߊ߬ߟߌ߫ ߘߏ߲߬ ߡߊ߫ ߞߍ߫߸ ߝߏ߫ ߊ߬ ߞߟߍ߬ ߞߘߐ߬ߓߏ߬ߙߌ߬ߟߊ ߟߎ߬ ߦߋ߫ ߛߊ߬ߦߌ߲ ߞߊ߲߬ ߛߏ߫. ߞߐ߰ߘߎ߮ ߣߌ߫ ߕߟߋ߬ߓߋ ߝߣߊ߫ ߘߐ߫߸ ߞߏ߫ ߡߙߊ߬ߒ߬ߡߊ߬ߟߌ ߞߌ߬ߛߍ߬ ߞߋߟߋ߲ ߡߊ߫ ߞߍ߫ ߦߋ߲߬ ߡߎߣߎ߲߬߸ ߞߊ߬ߦߌ߯ ߊ߬ ߛߎߘߊ߲߫ ߘߊ߲߫ ߂߀߂߁ ߡߊ߬ ߤߊ߲߯ ߕߋ߲߬. ߞߏ߫ ߊ߬ߟߋ ߣߊ߭ ߞߐ ߘߐ߫߸ ߊ߬ ߣߌ߫ ߖߡߊ߬ߣߊ߬ ߜߘߍ ߟߎ߫ ߟߊ߫ ߣߝߊ߬ߢߐ߲߰ߦߊ ߞߣߐߡߊ߬߸ ߖߡߊ߬ߣߊ ߓߌ߬ߟߊ߬ ߘߊ߫ ߢߊ߫ ߡߊ߬߸ ߡߍ߲ ߢߐ߲߰ ߕߎ߲߬ ߡߊ߫ ߞߍ߫ ߛߊ߲߬ ߁߅ ߕߊ߬ߡߌ߲߬ߣߍ߲ ߞߘߐ߫.
ߊ߬ ߓߊ߲߫ ߘߊ߫ ߝߣߊ߫߸ ߞߊ߬ ߞߎߡߊ߫ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߫ ߞߊ߲߬، ߊ߬ ߕߊ߫ ߝߐߟߌ߫ ߘߐ߫߸ ߞߏ߫ ߣߊ߲ߝߎߟߋߕߎߞߊ ߟߎ߬ ߟߊ߫ ߘߍ߭ ߟߴߏ߬ ߟߎ߬ ߕߊ ߘߌ߫߸ ߡߍ߲ ߠߎ߬ ߟߊ߫ ߞߏ߫ ߛߌ߫ ߕߍ߫ ߛߊ߬ߙߌ߬ߦߊ߬ ߞߣߐ߫߸ ߝߏ߫ ߖߘߍ߬ߛߊ߬ߥߏ߬ߦߊ ߘߐߙߐ߲߫. ߞߊ߬ߕߎ߲߯߸ ߞߏ߫ ߊ߬ߟߎ߬ ߓߟߏߡߟߊߣߍ߲߫ ߕߍ߫ ߘߏ߫ ߜߘߍ߫ ߡߊ߬ ߥߊߜ߭ߑߣߍߙ ߡߐ߰ ߞߏߙߏ߲߫ ߞߟߍ߬ߟߊ߬ߛߙߊ߬ߟߊ ߟߎ߬ ߞߐ߫. ߞߊ߬ ߕߋ߰ߙߋ ߏ߬ ߟߎ߬ ߞߍ߫ ߊ߬ߟߎ߬ ߟߊ߫ ߝߙߋߞߋ ߟߎ߬ ߓߐߒߘߊ߫ ߞߊߟߌ߲ ߘߌ߫ ߛߍߣߍ߲߬، ߞߵߊ߬ ߛߐ߬ߘߐ߲߬ ߊ߬ߟߎ߫ ߝߣߊ߬ ߝߎ߯߸ ߊ߬ߟߎ߬ ߦߴߊ߬ߟߎ߫ ߖߘߍ߬ߞߊ߬ߣߌ߲߬ ߣߝߊ ߟߋ߬ ߘߐߙߐ߲߫ ߡߞߊߘߊ߲ ߞߊ߲߬߸ ߒ߬ߞߊ߬ ߖߡߊ߬ߣߊ ߟߊߞߊ߲ߘߊ߫ ߞߏ ߝߎ߲߬ߝߋ߲߫.
ߏ߬ ߟߋ ߘߐ߫߸ ߞߏ߫ ߛߘߋߦߊߥߏ (ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߖߡߊߣߊ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ) ߓߘߊ߫ ߓߌ߲߬ߓߊ߬ߥߏ߬ ߓߟߋߓߟߋ߫ ߟߴߊ߬ߟߎ߫ ߞߊ߲߬߸ ߣߴߏ߬ ߘߏ߫ ߦߋ߫ ߞߓߊߕߟߎ ߟߊߝߏ߬ߦߌ ߟߊߕߐ߲ ߘߴߊ߬ߟߎ߫ ߡߊ߬߸ ߊ߬ ߣߴߊ߬ߟߎ߬ ߟߊ߫ ߞߐߞߊ߲߫ ߣߊ߲ߝߟߏ߫ ߟߊߓߊ߯ߙߊ ߓߍ߯ ߞߐߘߍ߫. ߏ߬ ߦߋ߫ ߞߏ߫ ߟߋ߬ ߘߌ߫߸ ߡߍ߲ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߣߊ߲߬ߕߌ߯ ߖߘߍ߬ߞߍ߬ߒ߬ߞߏ߬ߘߌ ߟߎ߫ ߟߋ߬߸ ߘߌ߫ ߡߐ߰ ߟߊ߫ ߞߊ߲ߕߌ߯ ߕߍ߫ ߊ߬ߟߎ߫ ߘߌ߫ ߊ߬ߟߎ߫ ߖߍ߬ߘߍ ߞߐ߫߸ ߊ߬ ߣߌ߫ ߕߋߙߌ߫ ߛߌ߫ ߕߴߊ߬ߟߎ߬ ߟߊ߫. ߊ߬ ߟߊߞߙߐ߬ߛߌ߬ ߤߊ߲߫߸ ߡߊ߬ߟߏ ߛߐ߲߬ߞߐ ߓߘߊ߫ ߦߍ߬ߟߍ߫ %߄߀ ߠߊ߫߸ ߞߊ߯ߙߌ ߣߌ߫ ߞߐ߬ߟߏ߲ ߕߍߟߊ ߘߐ߫߸ ߞߌ߲߬ߘߊ߬ ߛߌߦߊߡߊ߲߫ ߝߣߊ߫ ߓߘߊ߫ ߓߌ߬ߟߊ߬ ߘߛߍ ߣߌ߫ ߢߎߡߍ߫ ߞߏߖߊ ߘߐ߫.
ߓߊߖ߭ߎߡ ߞߊ߲߫ ߞߏ߫ ߛߌߞߊ߫ ߛߌ߫ ߕߴߊ߬ ߘߐ߫߸ ߓߞߏ߫ ߤߙߊߡ ߣߌ߫ ߓߊ߰ߓߊ߰ߟߌ߬ ߞߙߎ ߛߌߦߊߡߊ߲߫ ߞߍߕߐ߫ ߣߌߖ߭ߍߙ ߓߊߛߌ߯ߓߊߟߌߦߊ ߢߌ߲߬ ߠߋ߬ ߞߍ߫ ߟߴߊ߬ߟߎ߫ ߘߏ߲߬ ߥߏ ߢߌߣߌ߲߫ ߦߙߐ ߘߌ߫߸ ߞߵߊ߲ ߠߊ߫ ߖߡߊ߬ߣߊ ߞߍ߫ ߒ߬ ߛߌ߰ߢߐ߲߰ ߜߘߍ ߟߎ߬ ߝߣߊ߫ ߡߊߛߐ߬ߘߐ߲߬ ߛߌߟߊ ߘߌ߫ ߛߊ߫߸ ߞߊ߬ ߖߐ ߣߌ߫ ߞߊ߲ߠߊߓߌߟߊ ߜߍ߲߫ ߦߋ߲߬ ߠߎ߬ ߘߐ߫߸ ߞߊ߬ ߘߎߢߊ߫ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫.
ߏ߬ ߟߋ ߘߐ߫߸ ߒ ߧߋ߫ ߒ ߞߊ߲ߠߊߘߌ߫ ߟߊ߫ ߊߡߙߌߞߌ߬ ߞߎ߲߬ߠߊ߬ߛߌ߮ ߡߊ߬߸ ߞߵߏ߬ ߟߊ߫ ߘߎߢߊ߫ ߛߌ߲߬ߝߏ߲߬ߘߊ ߟߎ߬ ߞߊ߲߬߸ ߊ߬ߟߎ߬ ߦߋ߫ ߘߍ߬ߡߍ߲߬ ߞߍ߫ ߞߊ߬ ߖߡߊ߬ߣߊ ߟߊߛߊ߬ߦߌ߲߫ ߞߎ߬ߙߎ߲߬ߘߎ ߞߣߐ߫. ߖߐ߲߰ߛߴߊ߲ ߘߴߊ߲ ߠߊ߫ ߛߍ߬ߘߏ߲ ߘߊߓߊ߲߫߸ ߣߊߟߌ߬ߡߎ߲߫ ߝߘߏ߬ߓߊ߬ߦߊ ߣߌ߫ ߓߍ߯ߦߊ ߣߌ߫ ߞߊ߬ߝߏ߫ ߛߊ߬ߙߌ߬ߦߊ߬ߡߊ ߡߙߌߦߊ ߟߎ߬ ߟߊߓߎ߮ ߘߌ߫߸ ߏ߬ ߡߍ߲ ߘߐߙߐ߲߫ ߘߌ߫ ߛߋ߫ ߥߙߎߞߌ߫ ߓߟߏߕߍ߰ߓߊߟߌ ߘߌ߫ ߟߴߊ߲ ߡߊ߬߸ ߞߊ߬ ߘߐ߱ ߣߌ߫ ߓߊ߰ߓߊ߰ߟߌ ߞߟߍ߬ ߞߘߎߞߘߎ߫. ߊߟߎ߫ ߘߏ߲߬ ߦߴߊ߬ ߟߐ߲߫߸ ߞߏ߫ ߊߟߎ߫ ߞߍߕߐ߫ ߘߍ߬ߡߍ߲߬ߠߌ߲ ߡߍ߲ ߞߍ߫ ߟߊ߫ ߓߌ߫߸ ߣߌߖ߭ߍߙ ߡߌ߬ߙߌ߲߬ߘߌ ߕߍ߫ ߢߌ߬ߣߊ߫ ߏ߬ ߟߊ߫ ߛߌߣߌ߲߫ ߣߊ߬ߕߐ ߟߎ߬ ߘߐ߫ ߝߛߍߞߘߎ߫߸ ߥߎ߬ߛߎ ߣߌ߲߬ ߡߍ߲ ߦߋ߫ ߒ߬ ߠߊ߫ ߘߐ߬ߝߐ ߛߊ߬ߕߐ߬ߟߊ ߟߊߞߎߣߎ߲߫ ߕߎߡߊ ߘߌ߫ ߞߊ߬ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫