 |
| ߟߏ߲ߞߊߛߌߦߊ߫ ߞߊ߬ߡߙߊ߬ ߣߌ߫ ߞߊ߬ߣߌ߲߫ ߞߊ߬ߡߙߊ߬ |
ߡߊ߲߬ߘߋ߲߫ ߡߐ߰ߓߊ ߟߎ߬ ߖߌ߲߬ߓߊ߲߬ ߞߘߐ߫߸ ߊ߲ ߓߘߊ߫ ߘߏ߲߬ ߡߐ߰ߦߊ ߥߎߟߊ߫ ߝߌߟߊߣߊ߲ ߞߣߐ߫ ߞߎ߲߬ߠߊ߬ߦߋߙߋ߲ ߘߝߊߣߍ߲ ߘߐ߫، ߓߊߏ߬߸ ߘߋ߲ߣߍ߲ߧߊ ߥߎߟߊ ߣߌ߫ ߝߘߎ ߥߎߟߊ ߣߌ߫ ߡߐ߰ߓߊ߬ߦߊ ߥߎߟߊ߫ ߛߊ߬ߓߊ ߟߋ߬ ߘߎߢߊ߫ ߡߎ߰ߡߍ ߘߌ߫، ߊ߲ߠߎ߬ ߣߐ߬ ߊ߲ ߕߊ߫ ߕߌ߲ߘߌ߫ ߝߌߟߊߣߊ߲ ߏ߬ ߟߋ ߟߊߦߍ߬ߟߍ ߘߊߡߌ߬ߣߊ߬ ߟߊ߫ ߣߍߣߍߓߊ ߕߟߋ߬ ߝߟߐ ߣߌ߲߬ ߡߊ߬، ߒߠߋ ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߞߊ߬ߣߌ߲߫ ߞߡߊ߬ߙߊ߬ ߓߟߏ ߓߘߊ߫ ߘߌ߫ ߢߐ߲߮ ߡߊ߬߸ ߞߵߊ߲ ߛߣߐ߬ߡߍ ߟߎ߬ ߝߣߊ߫ ߘߌ߫ ߢߐ߲߮ ߡߊ߬߸ ߞߊ߬ ߓߊ߲߫ ߞߵߊ߲ ߗߏ߯ߦߊ ߟߎ߬ ߛߘߌ߬ ߢߐ߲߮ ߡߊ߬ ߜߋ߲߫.
ߡߐ߰ߓߊ ߟߎ߬ ߘߌ߬ߢߍ߬ߣߍ߲ ߞߐ߫ ߞߵߊ߬ ߕߎ߬ߡߘߊ߬ߦߊ߫߸ ߞߵߊ߬ߟߎ߫ ߛߌ߰ ߓߏ߬ߟߏ߲ ߞߣߐ߫߸ ߞߊ߬ ߡߊ߬ߛߙߊ߬ߟߌ ߟߎ߬ ߣߌ߫ ߞߙߊߟߌ ߟߎ߬ ߞߍ߫߸ ߣߊߟߌ߬ߡߎ߲߫ ߡߐ߰ߦߊ߬ ߞߎߘߊ߫ ߝߊ߰ߣߌ߲ ߞߙߊ ߣߴߊ߬ ߛߌ߬ߘߌ ߘߌ߫ ߢߐ߲߮ ߡߊ߬߸ ߤߊ߲߯ ߞߣߵߊ߬ ߛߌ߰ ߡߊ߬ߟߐ߬ߟߌ ߟߎ߬ ߟߊ߫، ߓߊ߯ߙߊ ߏ߬ ߞߎ߲߬ߕߊ߮ ߘߐ߫߸ ߊ߲ ߘߍ߬ߡߍ߲߬ ߘߊ߫ ߡߐ߰ ߛߌߦߊߡߊ߲߫ ߠߋ߬ ߓߟߏ߫߸ ߓߊߘߋ߲ ߠߎ߬ ߣߌ߫ ߕߋߙߌ ߟߎ߬ ߣߌ߫ ߛߌ߰ߢߐ߲߮ ߠߎ߬ ߣߌ߫ ߓߊ߯ߙߊߢߐ߲߮ ߠߎ߬ ߣߌ߫ ߞߊ߬ߣߌ߲߬ߕߋ ߟߎ߬ ߘߐ߫، ߏ߬ ߟߋ ߣߐ߬ ߊ߲ ߟߐ߬ ߟߊ߫ ߖߌ߬ߦߊ߬ߓߍ߫ ߛߊ߬ߓߊ ߣߌ߲߬ ߞߙߍߞߙߍ߫ ߟߊ߫߸ ߞߵߏ߬ ߞߊ߲߬ߟߊ߫ ߝߘߏ߬ߓߊ߬ ߝߏ߬ߟߌ߬ ߓߟߋߓߟߋ߫ ߟߊ߫߸ ߒ߬ ߡߏߦߌߓߊ߮ ߟߎ߬ ߕߐ߯ ߘߐ߫߸ ߊ߬ ߣߌ߫ ߒ߬ ߝߊ߬ߘߌ߬ ߞߋ߬ߟߋ߲߬ߢߐ߲߭߮ ߠߎ߬ ߕߐ߯ ߘߐ߫، ߞߏ߫ ߊߟߎ߫ ߓߍ߯ ߞߎߟߎ߲ߖߋ߫߸ ߊߟߎ߫ ߞߎߟߎ߲ߖߋ߫ ߘߏ߲߯߸ ߊߟߎ߫ ߟߊ߫ ߘߍ߬ߡߍ߲߬ߠߌ߲ ߠߎ߬ ߟߊ߫߸ ߝߊ߬ߘߌ߬ߞߟߏ ߣߌ߫ ߛߣߐ߬ߡߍ ߣߌ߫ ߣߊ߲߬ߝߟߏ߬ߦߊ߬ߟߌ ߟߎ߬ ߘߐ߫.