ߊ߬ ߕߐ߯ ߟߋ߬ ߞߏ߫ ߔߌߦߍߙ ߘߋߜ߭ߏߟ߸ ߊ߬ ߛߊ߲߬ ߆߀ ߟߋ߬ ߕߋ߲߬، ߊ߬ߟߋ ߦߋ߫ ߝߊ߬ߙߊ߲߬ߛߌ߫ ߞߊ߲ߕߌ߯ ߛߘߊߡߓߊ ߘߋߜ߭ߏߟ ߡߊ߬ߡߊ߬ߙߋ߲ ߠߋ߬ ߘߌ߫، ߓߊߏ߬߸ ߏ߬ ߘߋ߲ߞߍ߫ ߝߟߐ ߝߌ߬ߟߌߔ ߘߋߜ߭ߏߟ ߘߋ߲ߞߍ߫ ߟߋ߬ ߔߌߦߍߙ ߣߌ߲߬ ߘߌ߫، ߒ߬ߓߊ߬߸ ߏ߬ ߟߋ ߓߘߊ߫ ߙߎ߬ߛߌ߫ ߞߊ߬ߣߌ߲߫ ߊ߬ ߟߊ߫ ߢߌ߬ߡߊ߬ߦߊ ߣߴߊ߬ ߟߊ߫ ߞߏߓߊ߫ ߞߍ ߞߏߛߐ߲߬߸ ߝߏ߫ ߊ߬ ߓߘߴߊ߬ ߢߌߣߌ߲߫ ߡߎ߬ߕߎ߲߬ ߛߊ߫߸ ߞߏ߫ ߊ߬ ߦߴߊ߬ ߝߍ߬ ߞߊ߬ ߦߋ߲߬ ߝߊ߬ߛߏ߬ߦߊ ߕߊ߬߸ ߞߊ߬ ߛߋ߫ ߞߍ߫ ߟߊ߫ ߙߎ߬ߛߌ߬ߞߊ ߘߌ߫.
ߊ߬ ߦߋ߫ ߖߌ߲ߘߊ߲ ߘߏ߫ ߘߊߞߘߐ߫ ߛߍ߲ߔߋߕߍߛߑߓߎߙ ߕߋ߲߬، ߊ߬ ߞߵߊ߬ ߦߌ߬ߘߊ߫ ߦߋ߲߬ ߠߋ߬߸ ߞߏ߫ ߣߴߊ߬ ߛߋ߫ ߘߊ߫ ߙߎ߬ߛߌ߫ ߝߊ߬ߛߏ߬ߦߊ ߛߐ߬ߘߐ߲߬ ߠߊ߫߸ ߞߴߏ߬ ߦߴߊ߬ ߡߊ߬ ߟߋ߬ ߦߏ߫ ߛߊߣߌ߲، ߝߣߊ߫߸ ߞߏ߫ ߊ߬ ߘߴߊ߬ ߦߌ߬ߘߊ߬ ߓߍ߯ ߟߊ߫߸ ߞߏ߫ ߏߕߊ߲߫ ߓߘߊ߫ ߗߌߙߏ߲߫ ߞߍ߬ߟߍ ߣߌ߲߬ ߘߐ߫، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߏ߫ ߊ߬ ߢߊߓߐߣߍ߲߫ ߙߎ߬ߛߌ ߟߎ߬ ߝߍ߬ ߞߏ߫ ߘߊ߲ߘߐ߫ ߘߐ߫߸ ߊ߬ߟߎ߫ ߛߍ߬ߓߍߘߏ߲߭ ߊ߬ߟߎ߬ ߟߊ߫ ߟߐ߲ߠߌ߲ߦߊ ߟߊ߫߸ ߞߐߙߍ ߟߊ߫߸ ߊ߬ ߣߴߊ߬ߟߎ߬ ߓߋ߲ߓߊ߫ ߞߘߐ ߟߎ߬ ߕߊ߯ ߛߌߟߊ ߟߊ߫، ߞߏ߫ ߕߟߋ߬ߖߌ߰ߘߊ ߟߎ߬ ߓߘߊ߫ ߛߋ߲߬ߘߐߜߊ߬ ߏ߬ ߞߏ߫ ߛߎ߮ ߟߎ߬ ߡߊ߬ ߡߎ߬ߕߎ߲߬߸ ߝߏ߫ ߊ߬ߟߎ߬ ߓߘߊ߫ ߕߎߣߎ߲߫ ߖߋߎ߲߫، ߝߌ߬ߟߌߔ ߘߋߜ߭ߏߟ ߘߋ߲ߞߍ߫ ߣߊ߯ߣߌ߲ߣߊ߲ ߠߋ߬ ߞߊ߬ ߣߌ߲߬ ߝߐ߫߸ ߣߊߟߌ߬ߡߎ߲߫ ߔߌߦߍߙ ߘߋߜ߭ߏߟ ߘߌ߫.
ߊ߬ ߞߊ߲߫ ߞߏ߫ ߌ ߓߴߊ߬ ߦߋ߫ ߊ߬ ߞߵߊ߬ ߝߐ߫ ߞߏ߫ ߏߕߊ߲߫ ߓߘߊ߫ ߗߌߙߏ߲߫߸ ߓߊߏ߬ ߞߍ߬ߟߍ ߣߌ߲߬ ߕߍߣߊ߬ ߛߋ߫ ߟߊ߫ ߟߊߓߊ߲߫ ߠߊ߫ ߏߕߊ߲߫ ߓߟߏ߫߸ ߞߎߡߊߕߍ߫ ߕߟߋ߬ߖߌ߰ߟߊ߫ ߡߊ߬߸ ߊ߬ ߛߋ߫ ߛߌ߫ ߕߴߊ߬ߟߎ߬ ߦߋ߫߸ ߊ߬ ߘߓߊ߬ߙߌ߬ ߕߴߊ߬ߟߎ߬ ߞߣߐ߫.
ߊ߬ ߘߏ߲߬ ߞߵߊ߬ ߘߊߣߐ ߕߏ߫ ߊ߬ ߡߊ߬ ߓߌ߲ߠߊߥߎߟߋ߲߫ ߕߊ߬ߡߌ߲߬ߣߍ߲ ߠߊ߫߸ ߞߏ߫ ߙߎ߬ߛߌ߬ ߣߌ߫ ߎ߳ߞߑߙߍߣ ߞߍ߬ߟߍ ߣߌ߲߬ ߕߊ ߟߊߡߍߣߍ߲ߣߍ߲߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߣߌ߫ ߏߕߊ߲߫ ߠߋ߬ ߓߟߏ߫߸ ߞߵߊ߬ ߟߊߥߌ߬ߟߌ߫ ߙߎ߬ߛߌ ߟߎ߬ ߡߐ߬ߟߐ߲ ߠߊߓߋ߭ ߡߊ߬߸ ߊ߬ ߣߴߊ߬ߟߎ߫ ߝߊ߲߬ߞߊ ߟߊߕߍ߱، ߏ߬ ߟߋ ߘߐ߫߸ ߊ߬ߟߎ߬ ߓߘߊ߫ ߔߎߕߌߣ ߞߍ߫ ߡߐ߰ ߞߏߙߏ߲ ߘߌ߫߸ ߞߊ߬ ߖ߭ߋߟߍ߲ߛߑߞߌ߫ ߞߍ߫ ߡߐ߰ ߓߘߍ ߘߌ߫. ߊ߬ߟߋ߬ ߗߍ߭ ߟߋ߬ ߞߊ߲߫ ߕߋ߲߬.
ߊ߬ ߟߊ߫ ߙߎ߬ߛߌ߬ߟߊ߲߬ߘߌ߬ߦߊ ߣߌ߲߬ ߞߏ߬ߣߌ߲ ߓߘߊ߫ ߞߍ߫ ߕߙߎ߬ ߘߌ߫߸ ߞߵߊ߬ ߣߴߊ߬ ߟߊ߫ ߞߐߙߍ ߡߐ߱ ߘߏ߫ ߟߎ߫ ߞߟߍ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫