ߦߏ߫ ߊ߲ ߞߵߊ߬ ߦߌ߬ߘߴߊߟߎ߫ ߟߊ߫ ߕߎ߬ߡߊ߫ ߕߊ߬ߡߌ߲߬ߣߍ߲ ߠߎ߬ ߘߐ߫ ߢߊ ߡߍ߲ ߡߊ߬߸ ߞߏ߫ ߡߏ߬ߤߊ߬ߡߍ߬ߘ ߓߊߖ߭ߎߡ ߡߍ߲ ߠߊߥߟߏ߫ ߘߊ߫ ߣߊ߲߬ߕߌ߮ ߟߎ߬ ߓߟߏ߫ ߞߊ߬ߙߌ߬ߝߐ ߕߋ߬ߟߋ߫ ߂߆ ߡߊ߬߸ ߏ߬ ߞߊ߬ ߡߞߊ߬ߛߟߌ߬ ߛߓߍ ߘߏ߫ ߟߋ߬ ߟߊߘߏ߲߬ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ ߞߕߌߖߌ߲ ߠߊ߫߸ ߞߵߏ߬ ߞߎ߲߭ ߞߍ߫ ߊ߬ ߖߊ߬ߛߏ߲ ߣߴߊ߬ ߟߊߡߊ߬ߙߊ ߘߌ߫ ߓߊ߰ߒ߬ߡߊ ߟߊ߫، ߒ߬ߓߊ߬߸ ߛߘߋߦߊߥߏ ߞߕߌߘߊ ߓߍߣߵߊ߬ ߢߊ ߡߊߖߌ߰ ߏ߬ ߞߘߐ߫ ߛߌߣߌ߲߫ ߓߌߟߏ߲ ߡߊ߬.
ߣߍߣߍߓߊ ߕߋ߬ߟߋ߫ ߂߃ ߕߊ߬ߡߌ߲߬ߣߍ߲ ߡߊ߬߸ ߋߙߐߔߎ߬ ߞߎߡߊߞߍߓߏ߲ ߞߵߊ߬ ߦߌ߬ߘߊ߬߸ ߞߏ߫ ߝߏ߫ ߞߊ߬ ߓߟߏߓߐ߫ ߓߊߖ߭ߎߡ ߘߐ߫ ߟߋ߬ ߜߏߦߊߜߏߦߊ ߟߊ߫، ߊ߬ ߣߴߊ߬ ߟߊ߫ ߞߐߙߍ ߡߎ߰ߡߍ ߓߍ߯، ߘߌߞߍߘߌߞߍ߫ ߓߟߏ ߡߊ߬߸ ߣߊ߲߬ߕߌ߮ ߟߎ߬ ߘߌ߫ ߛߋ߫ ߞߊ߲ ߘߏ߫ ߝߐ߫ ߟߊ߫ ߞߎߡߊ ߢߌ߲߬ ߠߎ߬ ߞߐ ߘߐ߫߸ ߞߵߏ߬ ߞߎ߲߭ ߞߍ߫ ߡߞߊ߬ߛߌ߬ߟߌ ߣߌ߫ ߘߌ߬ߢߍ߬ߟߊ߬ߢߌߣߌ߲ ߠߎ߬ ߛߌߦߊߦߊ ߘߌ߫߸ ߛߴߊ߬ߟߎ߬ ߘߴߊ߬ߟߎ߬ ߓߟߏߓߐ߫ ߞߊ߲ߕߌ߯ ߞߘߐ ߣߌ߲߬ ߣߴߊ߬ ߟߊ߫ ߞߐߙߍ ߣߴߊ߬ ߝߊ߬ߘߌ߬ߞߣߐ߬ߜߍ߲߬ߘߋ߲ ߘߐ߫. ߣߴߊ߬ߟߎ߫ ߘߏ߲߬ ߞߵߊ߬ߟߎ߫ ߓߊ߲߬ ߝߣߊ߫߸ ߏ߬ ߕߍ߫ ߓߊ߬ߙߊ߫ ߡߐ߰ ߘߐ߫ ߘߋ߬߸ ߓߊߏ߬ ߊ߬ߟߎ߬ ߓߘߴߊ߬ߟߎ߫ ߞߎ߲߬ߓߐ߫ ߛߌߦߊߡߊ߲߫ ߠߋ߬ ߞߘߐ߫߸ ߊ߬ߟߎ߫ ߖߍ߬ߘߍ ߡߊ߫ ߛߍ߯ ߞߍ߫ ߊ߬ ߘߏ߫ ߟߎ߫ ߘߐ߫ ߟߋ߬ ߝߊ߲߭.
ߊ߬ ߘߏ߲߬߸ ߓߊߖ߭ߎߡ ߕߊ߬ߡߌ߲߬ ߘߴߊ߬ ߖߍ߬ߘߍ߫ ߛߘߌ߬ ߖߟߎ ߘߐߖߊ߬ ߟߊ߫ ߟߋ߬، ߓߊߏ߬߸ ߞߏ߲ߓߌߕߌ߮ ߕߟߋ߬ ߁߈ ߕߊ߬ߡߌ߲߬ߣߍ߲߸ ߊ߬ ߞߵߊ߬ ߣߕߊ߬ ߞߏ߫ ߊ߬ ߦߴߊ߬ ߓߏ߬ߙߌ߬ ߟߊ߫ ߥߛߎ ߟߊ߫߸ ߢߊߡߍ߫ ߞߕߌ߫ ߡߛߊߦߌ߲ߘߊ ߘߏ߲߬ ߞߵߊ߬ ߦߌ߬ߘߊ߬ ߣߍߣߍߓߊ ߕߟߋ߬ ߝߟߐ߫ ߕߊ߬ߡߌ߲߬ߣߍ߲߸ ߞߏ߫ ߕߎ߬ߢߊ߬ ߜߍ ߟߵߏ߬ ߘߌ߫ ߝߛߊߦߌ߫߸ ߊ߬ ߕߍ߬ߘߍ߫ ߊ߬ ߝߍ߬ ߞߵߊ߬ ߓߏ߬ߙߌ߬، ߏ߬ ߏߘ߲߬ ߝߣߊ߫ ߦߴߊ߬ ߕߊ߫ ߞߎ߲߬ߞߏ߫ ߟߋ߬ ߘߌ߫.
ߟߏ߲ߞߊߛߌߦߊ߫ ߞߊ߬ߡߙߊ߬ ߓߟߏ߫