ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߛߘߋߦߊߥߏ ߞߕߌߘߊ ߞߵߊ߬ ߢߊ ߡߊߖߌ߰ ߎߛߑߡߊߣ ߛߏ߲ߞߏ߫ ߟߊ߫ ߞߏ ߞߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߣߍ߬ߜ߭ߊߟߌ߫ ߞߕߌߘߊ ߡߊ߫ ߛߊ߬ߙߌ߬ߦߊ߬ ߛߐ߬ߛߐ߬ ߞߍ߫ ߤߊ߲߫، ߞߏ߫ ߊ߬ߟߎ߫ ߘߏ߲߬ ߡߊ߫ ߎߛߑߡߊߣ ߛߏ߲ߞߏ߫ ߕߐ߬ߢߍ߰ ߝߣߊ߫.
ߛߏ߲ߞߏ߫ ߘߏ߲߬ ߓߌ߬ߟߊ߬ ߘߊ߫ ߥߛߎ ߟߊ߫ ߞߊ߬ߦߌ߯ ߞߊ߬ߙߌ߬ߝߐ߫ ߕߊ߬ߡߌ߲߬ߣߍ߲ ߠߋ߬ ߡߊ߬، ߊ߬ ߛߊ߲߭ ߝߌ߬ߟߊ߬ ߟߋ߬ ߕߋ߲߬߸ ߊ߬ ߣߌ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߢߐ߲߮ ߠߊ߫، ߊ߬ ߦߋ߫ ߛߣߍ߬ߜ߭ߊߟߌ߫ ߞߎ߲߬ߠߊ߬ߛߌ߮ ߖߙߊ߬ߞߌ ߟߋ߬ ߞߊ߲߬߸ ߞߏ߫ ߊ߬ߟߎ߬ ߕߴߊ߬ ߝߍ߬ ߟߋ߬ ߘߐߙߐ߲߫߸ ߊ߬ ߦߋ߫ ߞߍ߫ ߂߀߂߄ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫.
ߛߣߍ߬ߜ߭ߊߟߌ߫ ߝߊ߲߬ߞߊߛߌ߬ߣߊ ߟߎ߬ ߟߊ߫ ߢߌ߲߬ߘߍ ߘߏ߫ ߓߍ߫߸ ߞߏ߫ "ߞߊ߬ ߡߌ߬ߙߌ߲߬ߘߌ ߞߊ߲ߠߊߓߌ߬ߟߊ߬" ߏ߬ ߟߎ߬ ߦߴߊ߬ ߝߍ߬ ߞߊ߬ ߔߊߞߌߛߦߊ ߘߏ߫ ߞߍ߫߸ ߞߵߊ߬ ߓߍ߲߬ ߛߏ߲ߞߏ߫ ߓߌ߬ߟߊ߬ ߞߏ ߡߊ߬.
ߥߊ߬ߛߌ߬ߥߙߊ ߕߟߋ߬ ߝߟߐ ߟߋ߬ ߡߊ߬߸ ߊ߬ ߝߐ߫ ߘߊ߫ ߞߏ߫ ߛߐ߲ߞߏ߫ ߓߋ߬ ߘߊ߫ ߘߋ߲ߡߛߏߣߍ߲ ߘߏ߫ ߟߋ߬ ߞߊ߲߬߸ ߞߏ߫ ߊ߬ ߛߐ߲߭ ߦߴߏ߬ ߘߐ߫، ߊ߬ߟߎ߫ ߞߵߊ߬ ߡߌ߬ߘߊ ߡߍ߲ߞߍ߭ ߏ߬ ߘߐ߫߸ ߏ߬ ߡߊ߲߬ߞߊ߲ ߞߍ߫ ߘߊ߫ ߕߙߎ߬ ߘߌ߫߸ ߞߊ߬ ߡߐ߰ ߁߆ ߓߐ߬ߣߐ߫ ߊ߬ ߣߌ ߘߐ߫߸ ߞߎ߲߬ߠߊ߬ߛߌ߮ ߕߊ߫ ߝߐߟߌ߫ ߘߐ߫، ߓߊ߬ߙߌ߬ߐ ߛߏ߲ߞߏ߫ ߟߊ߫ ߡߐ߱ ߟߎ߬ ߕߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߓߌߛߓߊ߬ ߣߌ߫ ߞߐ߫ ߟߋ߬ ߝߊ߰ ߘߊ߫، ߏ߬ ߟߋ ߞߐ߫߸ ߊ߬ߟߎ߫ ߞߵߊ߬ ߓߌ߬ߟߊ߬ ߝߘߊ ߟߊ߫ ߞߊ߬ߙߌ߬ߝߐ ߟߊߓߊ߲ ߠߊ߫ ߛߊ߫߸ ߞߏ߫ ߊ߬ ߓߘߊ߫ ߝߎߣߎ߲ߞߋ ߟߎ߬ ߟߊߡߙߎߕߌ߫߸ ߞߊ߬ ߡߐ߰ ߞߏߙߏ߲ ߠߎ߬ ߟߊߘߍ߬߸ ߞߊ߬ ߓߊ߰ߓߊ߰ߟߌ߬ ߞߏ ߟߎ߬ ߛߌ߰ ߛߋ߲߬ߠߊ߫߸ ߊ߬ ߦߴߏ߬ ߟߋ ߥߛߎ ߟߊ߫ ߣߌ߲߬، ߛߏ߲ߞߏ߫ ߛߊ߲߬ ߄߉ ߟߋ߬ ߕߋ߲߬.
ߟߏ߲ߞߊߛߌߦߊ߫ ߞߊ߬ߡߙߊ߬ ߓߟߏ߫