߁
߉߈߇ ߣߍߣߍߓߊ ߕߋ߬ߟߋ߫ ߂߃߸ ߂߀߂߃ ߣߍߣߍߓߊ ߕߋ߬ߟߋ߫ ߂߃
ߏ߬ ߦߋ߫ ߕߎ߬ߡߘߊ߬ ߡߊߞߌ߬ߣߌ߲߬ߞߌ߬ߣߌ߲߬ߣߍ߲߫ ߠߋ߬ ߘߌ߫߸ ߝߘߊ߬ߝߌ߲߬ߠߊ߫ ߛߌ߰ߟߏߟߏ ߘߏ߫ ߓߋ߬ ߘߊ߫ ߡߍ߲ ߛߐ߰ߡߘߊ߬ ߖߏߣߊ ߟߊ߫، ߗߍ߬ ߞߋߟߋ߲ ߡߍ߲ ߢߐ߲߱ ߦߋ߫ ߜߏ߫ ߝߊ߯ߘߐߞߍ߫ ߦߙߌߞߊ߫ ߞߘߐ߫، ߟߐ߲ߞߏߕߌ߯ ߛߊ߬ߝߌߝߌ ߘߏ߫ ߟߋ߬ ߕߐ߮ ߡߊߜߎ߫ ߞߊ߲߫ ߣߌ߲߬ ߖߐ߫߸ ߡߍ߲ ߞߊ߬ ߝߘߊ߬ߝߌ߲ ߠߎ߬ ߣߌ߫ ߝߘߊ߬ߝߌ߲߬ߧߊ ߞߛߌ߫ ߦߟߍߓߐߒߘߐ ߣߌ߫ ߞߘߐߕߏ ߣߌ߫ ߞߎ߲߬ߠߊ߬ߖߌ߮ ߡߊ߬، ߣߊߟߌ߬ߡߎ߲߫ ߛߎߡߊ߲ߞߐ߬ߦߌ߬ ߊߡߙߊ߫ ߣߌ߫ ߓߊߟߊ߲ߘߎ߯ ߖߊ߰ߞߊ ߞߋߕߊ߬ ߘߋ߲ߞߍ߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߘߌ߫، ߏ߬ ߡߍ߲ ߞߊ߬ ߒߞߏ ߛߓߍߛߎ߲߫ ߞߊ߲ߡߊߛߙߋߡߊ ߛߌ߲ߘߌ߫ ߁߉߄߉ ߞߏ߲ߞߏߘߓߌ ߕߟߋ߬ ߁߄ ߡߊ߬، ߞߵߏ߬ ߞߍ߫ ߝߘߊ߬ߝߌ߲߬ ߞߊ߲ ߓߍ߯ ߛߓߍߟߊ߲ ߘߌ߫ ߣߐ߰ߦߊ ߘߝߊߣߍ߲ ߘߐ߫، ߒ߬ߓߊ߬߸ ߊ߲ ߧߴߏ߬ ߟߋ ߟߊ߫ ߛߏߡߊߦߟߍߡߊ߲ ߥߟߴߊ߬ ߟߊ߫ ߝߊߕߏߟߌ ߛߊ߲߬ ߃߆ ߘߐ߫ ߣߌ߲߬.
ߞߊ߬ߕߎ߲߯߸ ߊ߲ ߓߘߊ߫ ߛߊ߲߬ ߃߆ ߡߍ߲ ߞߍ߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߝߐߦߊ ߘߐ߫߸ ߊ߬ ߢߣߊߝߌ߲ ߣߴߊ߬ ߦߋߟߌ ߞߎ߲ߝߊ߲ ߘߐ߫ ߖߐ߫، ߊ߲ ߧߴߊ߬ ߝߍ߬ ߞߵߊ߲ ߛߌߡߴߊ߬ ߟߊ߫ ߓߊ߯ߙߊ߫ ߞߍߣߍ߲ ߠߎ߬ ߡߊ߬ ߏ߬ ߟߋ ߘߐ߫ ߣߌ߲߬߸ ߞߵߊ߬ ߟߊ߫ ߘߎߢߊ߫ ߘߓߐ ߣߴߊ߬ ߟߊ߫ ߢߣߊߡߦߊ ߞߎ߲߬ߕߊ߮ ߞߏ߫ ߞߍߣߍ߲ ߠߎ߬ ߘߐߛߊߙߌ߫ ߊ߬ߟߎ߫ ߞߙߐ߬ߛߌ߬ ߞߊ߲ߡߊ߬، ߛߊ߫ ߒ߬ ߘߌ߫ ߓߐ߲ߛߐ߲߫ ߞߎߘߊ߫ ߥߟߌ߬ߕߐ ߟߎ߬ ߞߟߊߓߎ ߘߐߡߌ߲߬ ߡߙߌߦߊ߫ ߞߎߘߊ߫ ߟߎ߫ ߣߌ߫ ߥߣߍ߬ ߞߎߘߊ߫ ߟߎ߫ ߟߊ߫، ߏ߬ ߡߍ߲ ߦߋ߫ ߛߟߏ߬ߡߣߊ߬ߞߊ߲߬ߞߋ߬ߦߊ ߦߟߌߦߊ ߘߌ߫߸ ߒ߬ ߠߊ߫ ߜߙߋ ߟߊ߫ ߥߙߎߞߌ ߝߏ߲߬ߘߏ߬ ߞߎߥߊߞߎߥߊ ߞߊ߲߬.
ߏ߬ ߟߋ ߘߐ߫߸ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߓߘߴߊ߬ ߞߊ߲ߠߊߘߌ߫ ߓߍ߯ ߟߊߘߍ߬ߣߍ߲ ߡߊ߬߸ ߞߏ߫ ߊ߲ ߧߋ߫ ߘߍ߬߸ ߞߊ߬ ߢߌ߬ߣߊ߲߫ ߛߌ߲߬ߓߏ߲߬ߛߌ ߣߌ߲߬ ߠߊߢߣߊߡߦߊ߫ ߓߎ߬ߙߋ߬ ߓߎߞߊߙߌߦߊ߫، ߛߊ߫ ߒ߬ ߘߌ߫ ߖߌ߲ߞߌ߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߝߏ߲߬ߝߏ߲ ߠߎ߬ ߡߊ߬ ߦߋ߲߬߸ ߞߵߊ߲ ߖߞߊ߫ ߛߊ߬ߓߊߟߌ ߡߊ߬، ߒ߬ ߧߋ߫ ߒ߬ ߞߊ߲ߠߊߘߌ߫ ߞߌߢߍ߲߫ ߒߞߏ ߘߏ߲߬ߞߏ ߓߍ߯ ߟߊߘߍ߬ߣߍ߲ ߡߊ߬߸ ߝߋ߲ ߺ ߋ ߺ ߝߋ߲߫ ߘߴߊ߬ ߖߘߍ߬ ߡߊߛߐ߬ߘߐ߲߬߸ ߊ߲ ߧߴߊ߲ ߞߎ߲߬ߟߊ߫ ߓߎ߬ߙߋ߬ ߓߎߞߊߙߌߦߊ߫ ߞߊ߲߬ ߣߍߣߍߓߊ ߣߌ߲߬ ߕߋ߬ߟߋ߫ ߂߃ ߡߊ߬߸ ߞߊ߬ ߕߊ߯ ߛߌ߲߬ߓߏ߲߬ߛߌ߫ ߢߐ߲߰ߦߋ߬ߜߏ ߣߌ߲߬ ߛߌߡߊߟߌ ߞߍ߫ ߢߐ߲߮ ߝߍ߬.
ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߲ߕߌ߮߸ ߓߊߛߓߊ߬ߕߌ߫ ߛߘߌ߬ߓߋ߬ ߞߊ߲߫ ߘߐ߫، ߡߊ߬ߞߟߌ߬ߟߌ߬ ߛߓߍ ߦߋ߫ ߛߌߟߊ߫ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫